Իննամյա փոքրիկ Վահագնը արդեն 2 ամիս է՝ գտնվում է «Սուրբ Աստվածամայր» ԲԿ-ի վերակենդանացման բաժնում:
Ծանր վիրահատությունից հետո նրա վիճակն այժմ բժիշկները գնահատում են բավարար: Երեխան հիվանդանոց է ընդունվել թոքերի այտուցով: Նրա շնչառությունը ապահովվել է ինտուբացիոն խողովակի միջոցով: Հետազոտության արդյունքում պարզվել է, որ երեխայի մոտ կա զարգացման բնածին արատ՝ ուռուցքանման գոյացություն կերակրափողի և շնչափողի վրա: Ուռուցքի բորբոքումից առաջացել է խուղակ (երբ հեղուկը գնում է թոքեր): Բացառիկ վիրահատության արդյունքում կատարվել է շնչափողի պլաստիկա, իսկ արատը ծածկվել է կերակրափողի պատով:
Վերակենդանացման բաժանմունքի վարիչ Աննա Չոբանյանը տեղեկացրեց, որ վերջնական ապաքինումից հետո սպասվում է 2-րդ վիրահատությունը՝ կերակրափողի պլաստիկա: Այժմ երեխան կերակրվում է էնտերոստոմայով (երբ խողովակը տեղադրված է բարակ աղու վրա):
Նույն հիվանդանոցի վերակենդանացման բաժնում արդեն 20 օր ծանր վիճակում է գտնվում բուտուլիզմով հիվանդ 12 տարեկան մի երեխա, որը թունավորվել է պահածոյացված կարմիր պղպեղից: Երեխային ապահովում են արհեստական շնչառությամբ:
MEDINFORM 04.03.2005

 

«Սուրբ Աստվածամայր» ԲԿ-ի սոմատիկ (ընդհանուր մանկաբուժական) բաժանմունքը տեղակայված է հիվանդանոցի 3-րդ հարկում:
Սոմատիկ բաժանմունքի վարիչը Զոհրապն Խաինցյանն է:
Աշխատում են ևս 4 բժիշկներ:
Այստեղ բուժվում են 1 ամսեկանից մինչև 18 տարեկան երեխաները՝ թոքաբորբով, ռախիտով, սակավարյունությամբ (անեմիա), վիրուսային հիվանդություններով:
Բաժանմունքում կա 16 պալատ, որոնք նախատեսված են մեկ կամ երկու հիվանդի համար: Բաժանմունքում կան նաև ընդհանուր բժշկական գործողություններ և հոքնաներ կատարելու համար նախատեսված առանձին սենյակներ:
Այստեղ է գտնվում Մխ. Հերացու անվան բժշկական համալսարանի մանկաբուժության ամբիոնը՝ Ռուբեն Բարսեղյանի ղեկավարությամբ:
Բաժանմունքն ապահովված է բոլոր անհրաժեշտ սարքավորումներով:
Բաժանմունքում բուժվող երեխաների 50-60%-ը մինչև 1 տարեկան մանուկներ են: