«Սուրբ Աստվածամայր» բժշկական կենտրոնի դիմածնոտային վիրաբուժության բաժանմունքը գործում է 2002 թվականից: Այն ղեկավարում է Երևանի պետական բժշկական համալսարանի ստոմատոլոգիական հիվանդությունների կանխարգելման և մանկական ստոմատոլոգիայի ամբիոնի ասիստենտ Արմեն Ավագյանը: Բաժանմունքում որակյալ մասնագիտական օգնություն է ցուցաբերվում դիմածնոտային շրջանի տարաբնույթ հիվանդություններից տառապող հիվանդներին: Այս ոլորտի ախտահարումների թվում են դիմածնոտային շրջանի բնածին արատները, ձեռքբերովի ձևախախտումները, որոնք բաժանմունքում հանդիպում են հետևյալ հարաբերակցությամբ՝

• բնածին արատներ 12.2%

• վնասվածքներ 31.7%
• ուռուցքներ-ուռուցքանման գոյացություններ 13.6%
• բորբոքային ախտահարումներ 37.5%
• այլ հիվանդություններ 5%

 Բաժանմունքի կարևոր ձեռքբերումներից է դեմքի բնածին արտաների՝ շրթունքի և քիմքի բնածին ճեղքվածքների («նապաստակի շրթունք», «գայլի երախ») վիրահատական բուժման դրական արդյունքները, երբ վերականգնվում է արատավոր օրգանի և՛ տեսքը, և՛ ֆունկցիան:
Մեզ մոտ մատուցվում է նաև այնպիսի յուրահատուկ ծառայություն, ինչպիսին ատամների միանվագ սանացիան է ընդհանուր անզգայացմամբ, այսինքն՝ հնարավոր է մեկ բժշկական միջամտությամբ իրականացնել բոլոր ախտահարված ատամների լիարժեք բուժում:
Դիմածնոտային վիրաբուժության բաժանմունքը ուսումնական բազա է հանդիսանում Երևանի պետական բժշկական համալսարանի համար:

• 1-AB  վերին շրթունքի բնածին երկկողմանի ճեղքվածքով երեխայի նախավիրահատական և հետվիրահատական նկարները
• 1-C     նույն երեխան երկու տարի անց
• 2-AB  վերին շրթունքի բնածին միակոմանի ճեղքվածքով երեխայի նախավիրահատական և հետվիրահատական նկարները
• 3-A     քիմքի բնածին ճեղքվածքով երեխա
• 3-B     նույն երեխան վիրահատվելու հետո
• 5-A     հազվադեպ ուռուցքային հիվանդությամբ տառապող հիվանդը վիրահատությունից առաջ
• 5-B     նույն անձը վիրահատությունից երկու ամիս անց՝ բժշկական կենտրոնի տնօրեն Նիկոլայ Դալլաքյանի, բաժանմունքի վարիչ Արմեն Ավագյանի և ֆրանսահայ հասարակական գործիչ Անրի Սիրանյանի ընկերակցությամբ
• 6        Ա.Ավագյանը ուսանողական խմբի և առոջացող հիվանդի հետ
• 7        Քիմքի բնածին արատի կապակցությամբ վիրահատված երեխան ու նրա մայրը՝ դիմածնոտային վիրաբուժության բաժանմունքի վարիչ Արմեն Ավագյանի և լոգոպեդ Զարա Հարությունյանի ընկերակցությամբ:

Հեղինակային բոլոր իրավունքները պատկանում են MEDINFORM լրատվական գործակալությանը:
Նյութերի ամբողջությամբ կամ մասնակի մեջբերումներ կատարելիս հղումը MEDINFORM-ին պարտադիր է:
® ©  2002 - 2006  MEDINFORM news agency, Magistros-Trophy LLC.  All rights reserved.